काठमाडौँ, १८ माघ । नेपाल आयल निगमले पेट्रोलियम पदार्थको मूल्य बढाएको छ। निगमका अनुसार आइतबार बिहान देखि लागू हुने गरी डिजेल र मट्टितेलको मूल्य प्रतिलिटर ३ रुपैयाँले बढाइएको हो।
.gif)
निगमले सार्वजनिक गरेको जानकारी अनुसार पेट्रोल र खाना पकाउने एलपी ग्यासको मूल्य भने यथावत् राखिएको छ।
नेपाल आयल निगमले जनाएको छ कि इन्डियन आयल कर्पोरेसनबाट ३१ जनवरी २०२६ (माघ १७, २०८२) मा प्राप्त नयाँ खरिद मूल्यअनुसार पेट्रोल प्रतिलिटर १२ पैसा, डिजेल प्रतिलिटर ४ रुपैयाँ ६६ पैसा र एलपी ग्यास प्रति सिलिन्डर ४५ रुपैयाँ ४९ पैसाले महँगो भएर आएको छ। यस्तै, हवाई इन्धनको मूल्य भने प्रतिलिटर १०८ रुपैयाँले घटेर आएको निगमको विज्ञप्तिमा उल्लेख छ।
निगमले घाटा व्यवस्थापन र आपूर्ति निरन्तरताका लागि मूल्य समायोजन गर्नुपरेको जनाएको छ।
