काठमाडौँ । चालू आर्थिक वर्ष २०८०/८१ को पहिलो महिनामा नेपालबाट १६ करोड रुपैयाँ भन्दा धेरै रकमको अलैंची निर्यात भएको छ ।
.gif)
भन्सार विभागले सार्वजनिक गरेको २०८१/८२ को वैदेशिक व्यापारको तथ्याङ्क अनुसार पहिलो महिना अर्थात साउनमा १६ करोड १२ लाख ५२ हजार रुपैयाँ बराबर रकमको अलैंची निर्यात भएको हो ।
एक महिनाको अवधिमा नेपालबाट ८७ हजार ९ सय किलो अप्रशोधित अलैंची निर्यात भएको तथ्याङ्कमा जनाइएको छ । १६ करोड रुपैयाँ बराबरको अलैंची सबै नै भारत निर्यात भएको तथ्यांकमा उल्लेख गरिएको छ ।
गत आर्थिक वर्षमा नेपालबाट ७ अर्ब ९३ करोड ८१ लाख ८३ हजार रुपैयाँ बराबर रकममा ५० लाख १७ हजार ३३० किलो अलैंची निर्यात भएको थियो ।
सो अवधिमा नेपालबाट अष्ट्रेलिया, फ्रान्स, पाकिस्तान, यूएई, जापान र भारतमा अलैंची निर्यात भएको थियो । तर, गत आर्थिक वर्षमा पनि ७ अर्ब ९३ करोड ६६ लाख २० हजार रुपैयाँ बराबर रकमको अलैंची भारतमा मात्रै निर्यात भएको तथ्यांकमा जनाइएको छ ।
