काठमाडौं । ‘गोल्डेन स्टार किड्स इन्टरनेसनल’मा ३० बालप्रतिभा भिड्ने भएका छन् । विश्वस्तरमा नेपाली बालप्रतिभालाई चिनाउने उद्देश्यसहित आयोजना हुन लागेको प्रतियोगीतामा १५ जना जुनियर समूह (११ वर्षसम्म) र १५ जना सिनियर समूह (१२ देखि १६ वर्षसम्म)का प्रतियोगी छन् ।प्रतियोगीताको सेमिफाइनल शनिबार आयोजना यो । जसमा ४० प्रतियोगीले आफ्नो प्रतिभा प्रस्तुत गरेका थिए । जसमा १० प्रतियोगी बाहिरिएपछि फाइनलमा ३० प्रतियोगी सिमित रहन पुगे । सेमिफाइनलमा डान्सतर्फ खुसी भुजेलले उत्कृष्ट प्रदर्शन गर्दै शीर्ष स्थानमा पुग्न सफल भएकी छन् भने गायनतर्फ प्राज्ञ शिवाकोटी र पपुलर च्वाइसतर्फ श्लोक शाक्य उत्कृष्ट हुँदै फाइनलमा प्रवेश गरेका छन् ।
.gif)
गोल्डेन स्टार किड्स इन्टरनेसनलको विशेष आकर्षण भनेको यसबाट छनोट हुने चार विजेताले टर्कीमा पुगेर नेपाललाई प्रतिनिधित्व गर्ने अवसर पाउनेछन् । बालबालिकाको प्रतिभालाई राष्ट्रिय मञ्चबाट अन्तर्राष्ट्रियस्तरसम्म पुर्याउने उद्देश्यले प्रतियोगिता आयोजना गरिएको आयोजकले जनाएको छ।प्रतियोगिताको ग्रान्ड फिनाले आगामी आइतबार (असोज १८ गते) काठमाडौंको हेरिटेज प्लाजामा आयोजना हुँदैछ । फाइनलमा प्रथम हुने प्रतियोगीले ४ लाख रुपैयाँ नगदसहित ३ लाख रुपैयाँ बराबरको उपहार प्राप्त गर्नेछन् । दोस्रो हुने प्रतियोगीलाई १ लाख रुपैयाँ नगद र १ लाख रुपैयाँ बराबरको उपहार प्रदान गरिनेछ।प्रतियोगितामा गायक आनन्द कार्की, अभिनेत्री मिथिला शर्मा र अभिनेता रमेश उप्रेती निर्णायकमा रहेका छन् ।
