जनकपुरधाम । रसुवाको भोटेकोशीमा आएको विनाशकारी बाढीबाट प्रभावितहरूलाई राहत प्रदान गर्न जनकपुरको आलु प्याज व्यवसायी संघ प्रभावित क्षेत्रमा पुगेको छ । संघले संस्थमा आबद्ध आलुप्याज व्यवसायीसँग सहयोग उठाउँदै करिब ५ लाख रुपैंयाको राहत सामग्री लिएर उनीहरु प्रभावित स्थलमा पुगेका हुन् । उनीहरुले राहत सामग्रीमा १ सय ७ बोरा चामल, ८ बोरा दाल, ११ बोरा आलु, ७ बोरा च्यूरा, २७ बोरा भुजा, ८ बोरा नुन, ८ बोरा सोयाबिन तथा तथा अन्य खाद्य सामग्री प्रभावित नागरिकलाई वितरण गर्ने भएका हुन् ।
.gif)
विपद्मा परेका नागरिकलाई सहयोग गर्नु हामी सबैको कर्तव्य भएको भन्दै व्यवसायीहरूले सक्दो चाँडो जति भयो त्यति नै वितरण गर्न हामी प्रभावित स्थलमा पुगेको संघका अध्यक्ष सुरज साहले बताए । अकल्पनीय घटना घटेको बताउँदै यस्तो बेला सबै नागरिकले यो पिडा सम्झिँदै सक्ने जति सहयोग गर्न आग्रह समेत गरे । व्यवसायीहरूले स्थानीयको आवश्यकताका आधारमा यी राहत सामग्री वितरण गर्ने बताएका छन् । व्यवसायीहरू थोरै भएपनि यस्तो विपद्मा सहयोग गर्नुपर्छ भन्दै पेठिया बजारका व्यापारीसँग गच्छे अनुसार दिएको रकमबाट यी खाद्यान्न किनेको जानकारी दिए । राहत सामग्री लिएर प्रभावित स्थलमा जानु पूर्व उनीहरूको टोलीलाई जनकपुर उद्योग वाणिज्य संघले बिदाइ गरेको थियो ।
गत भदौ १० गते आएको बिनासकारी बाढीका कारण नुवाकोट, रसुवा, धादिङ, गोर्खा लगायतका स्थानका धेरै ठाउँ प्रभावित बनेका छन् । कहालीलाग्दो घटनामा परेका कतिपयको परिवार नै बेपत्ता अवस्थामा छन् । सयौँको संख्यामा ज्यान गएको छ । बाढीले ठुलो संख्यामा मानवीय तथा भौतिक क्षति पुर्याएको छ ।
