काठमाडौँ । ललितपुर महानगरपालिकाले आगामी आर्थिक वर्ष २०८३–०८४का लागि आफ्नो वार्षिक नीति तथा कार्यक्रम आज सार्वजनिक गर्ने भएको छ ।महानगरपालिकाले नगर सभाको अधिवेशनमार्फत आगामी वर्षका लागि तय गरिएका विकास निर्माण, सम्पदा संरक्षण, शिक्षा, स्वास्थ्य र वातावरणीय सुधारका योजनाहरू समेटिएको नीति तथा कार्यक्रम सार्वजनिक गर्न लागेको हो ।
.gif)
कार्यक्रममा महानगर प्रमुख चिरीबाबु महर्जनले आगामी वर्षका प्राथमिकता र लक्ष्यहरू प्रस्तुत गर्ने कार्यक्रम रहेको छ । ललितपुर महानगरले विशेष गरी 'स्मार्ट सिटी'को अवधारणा, पुरातात्त्विक सम्पदाको पुनरुत्थान र सार्वजनिक यातायात व्यवस्थापन जस्ता विषयलाई विशेष जोड दिने अपेक्षा गरिएको छ । नीति तथा कार्यक्रम पारित भएपछि सोही आधारमा आगामी वर्षको वार्षिक बजेट ल्याइने संवैधानिक व्यवस्था रहेको छ ।
