युनिक नेपाल लघुवित्त वित्तीय संस्था लिमिटेडको नाफामा गिरावट देखिएको छ । कम्पनीले सार्वजनिक गरेको चालू आवको तेस्रो त्रैमासिकसम्मको वित्तीय विवरण अनुसार नाफामा ५९.६३ प्रतिशतले घटेको हो ।
.gif)
गत आवको तेस्रो त्रैमासिकसम्ममा ३ करोड ३५ लाख रुपैयाँ खुद नाफा कमाएको कम्पनीले त्यसको तुलनामा चालू आवको सोही अवधिमा ५९.६३ प्रतिशतको गिरावट सहित १ करोड ३५ लाख रुपैयाँ खुद नाफामा सीमित भएको छ । समीक्षा अवधिमा कम्पनीको खुद ब्याज आम्दानी १७ करोड २७ लाख रुपैयाँबाट १०.८५ प्रतिशतले बढेर १९ करोड १५ लाख रुपैयाँ पुगेको छ । त्यस्तै कुल सञ्चालन आम्दानी २० करोड ७९ लाख रुपैयाँबाट ११.२७ प्रतिशतले बढेर २३ करोड १३ लाख रुपैयाँ नाघेको छ ।
