काठमाडौँ । आज काठमाडौँ विश्वका सबैभन्दा प्रदूषित शहरहरूमध्ये दोस्रो स्थानमा परेको छ । स्विट्जरल्यान्डस्थित वायु प्रदूषण मापन गर्ने अन्तर्राष्ट्रिय संस्था आईक्यू एयरका अनुसार बिहीबार बिहान काठमाडौंको वायु गुणस्तर सूचकांक (एक्यूआई) २१३ पुगेको छ, जुन जनस्वास्थ्यका दृष्टिले अत्यन्त अस्वस्थकर मानिन्छ ।
.gif)
यस सूचीमा पहिलो स्थानमा पाकिस्तानको लाहोर रहेको छ, जहाँ एक्यूआई ३८२ मापन गरिएको छ ।
काठमाडौँ सहित उपत्यका आसपासका क्षेत्रमा पनि वायु प्रदूषणको स्तर निरन्तर बढिरहेको छ। प्रदूषणका कारण स्वास्थ्य जोखिम बढ्दै गएको भन्दै सम्बन्धित निकायहरूले सावधानी अपनाउन आग्रह गरेका छन्।
