काठमाडौं । अन्नपूर्ण केबलकारले चालु आर्थिक वर्षको ६ महिनामा ७ करोड १० लाख रुपैयाँको व्यापार गरेको छ । कम्पनीले गत आर्थिक वर्ष सन् २०२५ मा ८ करोड १० लाख रुपैयाँको कारोबार गरेको थियो ।गत आवमा १० प्रतिशत अकुपेन्सी रहेकोमा चालु आवको ६ महिनाको अवधिमा अकुपेन्सी १६ प्रतिशत रहेको छ । कम्पनीले चालु आवमा नाफासँगै कुल नगद सञ्चय सकारात्मक रहेको जनाएको छ । कम्पनीले ६२.९५ प्रतिशत नाफा कमाएको छ ।
.gif)
सन् २०१० मा स्थापना भएको कम्पनी सन् २०२३ को मे मा पब्लिक कम्पनीको रुपमा परिणत भएको थियो । पर्यटकीय नगरी पोखराको सराङ्कोटमा केबलकारले सेवा दिँदै आएको छ । यो केवलकारले सन् २०२२ को जुलाईबाट व्यवसायिक कारोबार सुरु गरेको हो ।सेती बगर तल्लो स्टेशन र माथिल्लो स्टेशन सराङ्कोट पहाड रहेको केबलकार २.३ किलोमिटरको छ । उक्त केबलकारमा १७ वटा गोन्डोला छन् ।
कम्पनीले दीर्घकालीन तथा अल्पकालीन कर्जाका लागि ८२ करोड १ लाख रुपैयाँको रेटिङ गराएको छ । कम्पनीले दीर्घकालीन कर्जाका लागि ८२ करोड रुपैयाँ र अल्पकालीन कर्जाका लागि २ करोड रुपैयाको रेटिङ गराएको हो ।
