काठमाडौं। पछिल्लो एक सातामा देशभर ५५ जनामा डेंगुको सङ्क्रमण देखिएको छ । इपिडिमियोलोजी तथा रोग नियन्त्रण महाशाखा इडिसिडीले सार्वजनिक गरेको तथ्यांक अनुसार यो साता १ सय ९ जनामा डेंगु परिक्षण गर्दा ५५ जनामा पोजेटिभ देखिएको हो । योसँगै नेपालमा डेंगु सङ्क्रमितको सङ्ख्या ७ हजार ८ सय ८२ पुगेको छ ।
.gif)
बागमती प्रदेशमा सङ्क्रमितको सङ्ख्या २ हजार २५ पुगेको छ भने गण्डकीमा २ हजार, लुम्बिनीमा १ हजार ३ सय ४, कोशीमा १ हजार ८, सुदूरपश्चिममा ८ सय ४५, कर्णालीमा ५ सय २४ र मधेश प्रदेशमा १ सय ७६ जनामा डेंगुको सङ्क्रमण देखिएको इडिसिडीले जनाएको छ ।
गर्मी र वर्षातको समयमा ताराई क्षेत्रमा मात्र देखिने डेंगु पछिल्लो समय बाह्रै महिना तथा हिमाली क्षेत्रमा पनि देखिन थालेको छ । जलवायु परिवर्तनको असरले लामखुट्टेको प्रजनन समयावधि लम्बिनु, तापक्रममा असामान्य वृद्धि हुनु, वर्षा चक्रको अनियमियताले डेंगुको सङ्क्रमण बढ्दै गएको चिकित्सकहरू बताउँछन् ।
