काठमाडौँ । असोज १८, देशका विभिन्न भागमा लगातार तीन दिनसम्म भारी वर्षाको पूर्वानुमान पछि सरकारले आइतबार र सोमबार दुई दिन सार्वजनिक बिदा दिने निर्णय गरेको छ।
.gif)
गृहसचिव रामेश्वर दंगालका अनुसार विपद् जोखिमलाई मध्यनजर गर्दै यो निर्णय लिइएको हो। बिदा निर्णयको सन्दर्भमा गृह मन्त्रालयले जनाएको छ कि यो सार्वजनिक बिदा विपद् व्यवस्थापन र अत्यावश्यक सेवा प्रवाहमा संलग्न कार्यालयहरू बाहेक सबैका लागि लागू हुनेछ।
मौसम पूर्वानुमान अनुसार देशभर बाढी, पहिरो, र जलमग्नताको जोखिम उच्च रहेको भन्दै मन्त्रालयले नागरिकहरूलाई सतर्क रहन र आवश्यक सावधानी अपनाउन आग्रह गरेको छ।
सरकारको यो निर्णयले आपतकालीन अवस्था रोक्न र जनधनको क्षति न्यून गर्न सहयोग पुग्ने अपेक्षा गरिएको छ।
