अर्घाखाँची । अवरुद्ध सडक खुलेको छ । वर्षाका कारण अवरुद्ध सन्धिखर्क–गोरुसिङ्गे सडक शिवपुर सडक कार्यालय र प्रहरीको सहयोगमा खुलेको हो । शितगंगा नगरपालिका –२ लाहुरे बजारनजिक पहिरो झरेका कारण सडक अवरुद्ध भएको थियो ।
.gif)
पहिरोसँगै सडकमा खसेको ठुलो ढुङ्गा हटाएर सडक सुचारू गरिएको जिल्ला प्रहरी प्रमुख चक्रबहादुर मल्लले जानकारी दिनुभयो । रातभर परेको झरीसँगै सडक माथिबाट माटो, ढुङ्गा र रूखसहितको पहिरो खसेपछि दुइतर्फी सवारी आवागमन ठप्प भएको थियो । पहिरो हटाएपछि सवारी साधन सञ्चालनमा आएको छ । सन्धिखर्क–गोरुसिङ्गे अर्घाखाँची जिल्लालाई जोड्ने प्रमुख सडकको रूपमा छ ।
