काठमाडौं, साउन १७, रोल्पाको परिवर्तन गाउँपालिका–५, सागुरो खोलामा पहिरो खस्दा सहिद राजमार्ग पूर्ण रूपमा अवरुद्ध भएको छ।
.gif)
शनिबार बेलुका करिब ६ः३५ बजे पहिरो खसेपछि घोराही–रुकुम सडक खण्ड अवरुद्ध भएको प्रहरीले जनाएको छ। सडक अवरुद्ध हुँदा सवारी आवागमन ठप्प भएको छ र यात्रुहरू बीचमा अलपत्र परेका छन्।
हाल पहिरो हटाउने प्रयास जारी रहेको छ। सुरक्षाकर्मी तथा स्थानीयबासीको सहयोगमा सडक खुलाउने काम भइरहेको जिल्ला प्रहरी कार्यालय रोल्पाले जानकारी दिएको छ।
अधिकारीहरूले यात्रुहरूलाई वैकल्पिक मार्ग प्रयोग गर्न तथा जोखिम युक्त क्षेत्र नजिक नजान आग्रह गरेका छन्।
